Jinki nafrat se but bhi lahuluhan khade hai,
Suna hai aaj wo bhi kuch pareshan khade hai,
Kaha chupa ke rakh du main apne hisse ki sharafat,
Jidhar bhi dekhta hu udhar beimaan khade hai,
Kya khub tarakki kar raha hai desh dekhiye,
Kheto me builder, sadak par kisan khade hai. 

Jo sirfire hote hai itihas wahi likhte hai,
Shamjhdar log to sirf unke bare me padte hai,
Parakh agar heere ki karni ho to andhere ka intzaar karo,
Warna dhup me to kanch ke tukde bhi chamkte hai.

Mehfil me hasna mera mijaj ban gaya,
Tanhai me rona ek raaz ban gaya,
Dil ke dard ko chehre se jaahir na hone diya,
Yahi mere jeene ka andaz ban gaya.

Dar mujhe bhi laga fasla dekh kar,
Par main badta gaya rasta dekh kar,
Khud ba khud mere najdik aati gayi
Meri manzil mera hausla dekh kar.

Hum jite har baazi to mashur ho gaye,
Teri hansi me hanse to gam dur hogaye,
Bas ek aap jaise ki badolat,
Hum tunte huye kaanch se kohinoor ho gaye.
 

Gehri thi raat lekin hum khoye nahi,

Dard bahut tha dil me lekin hum roye nahi,

Koi nahi humara jo puche humse,

Jag rahe ho kiske liye ya kiske liye soye nahi.

Rothi huyi aankhon me intezar hota hai,
Na chahte huye bhi pyar hota hai,
Kyun dekhte hai hum wo sapne,
Jinke tutne par bhi unke sach hone ka intezar hota hai.

Sachhai ke aaene kale ho gaye,
Bujdilo ke ghar me ujale ho gaye,
Jhut bajar me bekhauf bikta raha,
Maine sach kaha to jaan ke lale ho gaye,
Bech bech kar jisne parivar pale,
Wo bhukha so gaya, jab bachhe kamwale ho gaye,
Lahja mita, mijaj naram, ankho me sharm,
Sab bech khaye jab wo sahar wale ho gaye,
Apni kamai se ek jhopdi tak na bana sake,
Wo siyasat me aaye to mahal wale ho gaye.

Har koi pane ki jid me hai,
Shayad koi mujhe aajmane ki jid me hai,
Jiski chahat  hai mujhe itne,
Wahi mujhe bhul jane ki jid me hai.

Uske sath jeene ka ek mauka de de ae khuda,
Tere sath to hum marne ke baad bhi rah lenge.